October 5, 2025 — Creando un side project de cursos online con WordPress. Desde a captación e maduración á conversión. O caso práctico de cursos.gal.

Presentation Slides »

June 29, 2025 — Pon atención!

É WordPress collendo a palabra e dicindo: “non son só un blog cutre nin unha web corporativa do 2009 feita cun tema trangalleiro.”

Non!

Ímosche ensinar algo distinto.

Un proxecto real. Feito en Lugo. Para visibilizar o talento de Lugo.

LUGO PRO.

Un directorio de profesionais dixitais da zona. Desenvolto por persoas que viñeron ás pasadas Meetups, que se coñeceron, colaboraron e decidiron facer algo xuntos.

Presentation Slides »

June 2, 2025 — Imaxina que despois de meses de traballo e esforzo chega o día. Abres a túa web para trasladarlle ao mundo todo o teu valor.

Algo pasa! Miras desde o móbil e iso non furula ben. Desespéraste porque non se da visto nin a primeira imaxe. Estás perdendo visitas, clientes e tamén cartos.

Nesta charla imos repasar os 10 erros máis comúns que fan que unha web en WordPress sexa desesperadamente lenta… e como arranxarlos.

Sen tecnicismos innecesarios, sen promesas máxicas, sen necesidade de facer un mestrado para meterlle man a un problema tan común. Só uha checklist clara, práctica e directa para que poidas aplicar os cambios na túa propia web.

June 2, 2025 — Descubre como comercializar o teu primeiro curso online con WordPress explorando tres enfoques prácticos adaptados a diferentes necesidades e niveis de investimento.

• Nivel 1 (Gratuíto e sinxelo): Crea un sitio básico con plugins gratuítos para definir tipos de datos personalizados, restrinxir acceso e aceptar pagamentos básicos (Stripe, PayPal) cun botón. Ideal para unha masterclass ou curso simple e asequible.

• Nivel 2 (Intermedio con plugins de pago): Unha solución máis potente que permite estruturas de curso máis complexas con leccións relacionadas, usando formularios avanzados para rexistro e pagamentos e unha restrición de acceso precisa baseada en roles de usuario. Ofrece maior potencia cunha inversión moderada.

• Nivel 3 (Completo con sistema LMS): Implementa un Sistema de Xestión de Aprendizaxe robusto (como LearnDash) integrado con WooCommerce. É a estrutura máis completa para cursos con leccións, cuestionarios e unha xestión avanzada a través da tenda online. A opción máis completa para escalar, require maior curva de aprendizaxe e investimento.

Presentation Slides »

July 27, 2023 — Aprende a crear un ecommerce en 10 pasos e consigue a túa primeira venda.
🫵 Sábelo.
Na internet hai moitas, moitísimas oportunidades. E nada indica que vaian acabar, máis ben ao contrario. Cada vez procuramos, comparamos e mercamos máis por internet.
E tes tres camiños:
Podes dar as costas a esta realidade e que a túa competencia se posicione no mercado online.
Podes publicar un sitio de calquera maneira e depender da sorte que haxa nese intre.
👉 Ou podes actuar 👈
✅ Se elixiches a terceira opción tes unha cita connosco na próxima edición da Meetup de WordPress da Coruña. Nela aprenderás a montar unha tenda online en 10 pasos, desde que tes unha idea de negocio ata ter a túa primeira venda.
Sen dar mil voltas nin configurar trescentas opcións que soan a chinés.
😎 Imos crear unha tenda online mínima viable. Directos. Ao punto. En 45 minutos. Coas ferramentas imprescindibles para que poidas replicalo todo na túa casa.

September 26, 2022 — Coa chegada da edición completa de sitio (Fulle Site Editing, FSE) na versión 5.9 de WordPress, e a recente actualización á v.6, incorporáronse múltiples e interesantes funcionalidades ao editor de bloques.

Unha delas é a posibilidade de crear modelos de partes da nosa web, íntegramente con bloques. A cabeceira, o pé de páxina, os arquivos, as entradas…

Explicarei cómo se crea un modelo para un Tipo de Dato Personalizado. Por exemplo, queremos facer un directorio cos monumentos de Pontevedra. Facemos un CPT «Monumentos», que teña unha serie de campos de datos (título, descrición, historia do monumento, imaxe destacada, onde está situado, autor, data de construción, etc.).

E para mostrar eses Monumentos, creamos un modelo a medida co FSE que adapte con bloques como queremos que quede visualmente. Bloque título, bloque contido, bloque imaxe destacada e outros bloques para mostrar os campos de datos (shortcodes ou plugins que permitan contido dinámico).

Presentation Slides »

October 2, 2021 — O auxe das redes sociais hai máis dunha década fixo caer no esquecemento de xeito progresivo a moitos sitios web utilizados a modo de blog, que na altura eran o espazo máis utilizado para compartir contido e escribir reflexións. Malia isto, seguen existindo e son utilizados diariamente por moitas persoas.

Unha das ferramentas utilizadas para crear redes de blogs foi o Multisite de WordPress. Primeiro como funcionalidade externa e logo nativa. Pero os seus usos non só se concentran aí. Webs corporativas multilingües, grupos de empresas cos seus sitios particulares, grandes proxectos con divisións/departamentos ou, en xeral, grupos de webs cun nexo común. Mesmo a páxina onde estás lendo isto está montada sobre un Multisite.

Niso se basea a experiencia de fala.gal, un proxecto onde crear un sitio web en galego e con só 3 clics con WordPress Multisite.

Como se crea un Multisite, que posibilidades nos abre e como o xestionamos?

Presentation Slides »

May 9, 2020 — El aspecto que por defecto tiene la página de la tienda en WooCommerce es insuficiente para las necesidades de algunhas tiendas online.